ჩვენ, ყველანი...

რომანში მოქმედება ერთ პროვინციულ ქალაქში ხდება, სადაც ყველაფერი ერთი შეხედვით ერთფეროვანია, თუმცა მაინც უზადო სიჭრელით გამოირჩევა. სიუჟეტის მთავარი ხაზი ორი, თითქმის თანადროული ისტორიაა, რომლებსაც უცნაური, მაგრამ მეტად სახასიათო ცხოვრებისეული ჯაჭვები კრავს. რომანს ორი მთავარი გმირი ჰყავს: პირველი ნაწილის გმირი

განათლებული, საკუთარ თავში ჩაკეტილი და სისტემისგან განდევნილი მასწავლებელია, რომელიც ცდილობს, დაუბრუნდეს საყვარელ საქმიანობას და გარკვეულ დათმობებზეც მიდის. იგი მზად არის, პროფესიისა და საყვარელი ქალის გამო პრინცი პები დათმოს, თუმცა უსამართლობის წინაშე ქედს არ იხრის. საყვარელი ქალი კი, მისი ისედაც რთული ცხოვრების გადამწყვეტ მომენტში ახალ თავსატეხად იქცევა.

მეორე ნაწილის გმირი, ერთი შეხედვით უსწავლელი, ბაზრის ხმაურიან და ჭუჭყიან გარემოსთან შესისხლხორცებული, მეტად

კომუნიკაბელური ახალგაზრდა ბიჭია. ის ცდილობს, საკუთარი ადგილი დაიმკვიდროს იქ, საიდანაც პირველი გმირი გაქცევას ლამობს. მას სჯერა, რომ ოდესმე მისი ოცნებები ასრულდება, გახდება წარმატებული და მდიდარი ადამიანი, თუმცა არ იცის, ამას როგორ მიაღწიოს. ის მეოცნებე ახალგაზრდაა, რომელიც ფიქრობს, რომ ყველა ადამიანი იმსახურებს სიყვარულსა და ბედნიერებას, მათ შორის - თავადაც.

ამ ორი გმირის შეხვედრა გარკვეულწილად საკრალურ დატვირთვას იძენს