ტიბეტური თქმულება იესო ქრისტეზე

„ტიბეტური თქმულება იესო ქრისტეზე“, რომელსაც ასევე „ტიბეტურ სახარებადაც“ მოიხსენიებენ მრავალმხრივ მნიშვნელოვანი

ხელნაწერია კაცობრიობის ცნობიერებისა და სამყაროსეული გააზრების კუთხით. პირველ რიგში, ეს აპოკრიფსი კიდევ ერთი მტკიცებულებაა იმ სადავო საკითხისა, მართლაც იყო თუ არა ნამდვილი პიროვნება იესო ქრისტე და ხომ არ არის მისი არსებობა მორიგი მითოლოგიური ფანტაზიის ნაყოფი, რაც მსოფლიო ისტორიის განმავლობაში სხვადასხვა ხალხთა ცივილიზაციებში უხვად გამოვლენილა. აღნიშნული ხელნაწერი ამტკიცებს მაცხოვრის ნამდვილობის შესახებ მოსაზრებას და კიდევ უფრო ამყარებს მის მორწმუნეთა სარკასტულ შეხედულებებს, რომ ღმერთკაცი მართლაც მოევლინა ქვეყანას და თავისი წმინდა ცხოვრებით ქვეყნიერებას ადამიანობის უმწიკვლო მაგალითი უანდერძა. ეს მტკიცებულება ისტორიული თვალსაზრისითაც უმნიშვნელოვანესია, რადგანაც მემატიანეებს აძლევს საშუალებას, თამამად ისაუბრონ ერთ-ერთ უმნიშვნელოვანეს ფიგურაზე კაცობრიობის ისტორიაში.